Узган пәнҗешәмбе көнне имамнарның белемнәрен күтәрү Үзәгендә таныклыклар тапшыру тантанасы булды. Имамнар “Мөселман дини оешмасын җитәкләүнең теориясе һәм практикасы” курсларын үтүләре турында таныклыклар алдылар. Чарада Татарстан мөфтие Камил хәзрәт Сәмигуллин, Россия ислам университеты ректоры, академик Рафик Мөхәммәтшин катнашты.

Беренче этапта курсларны Мордва, Чуашстан, Татарстаннан республикаларыннан, Сембер, Пермь өлкәләреннән 30 имам узды. Аларга ислам дәресләреннән тыш, тарих, хокук, идарә тәртипләре дә укытылды. Лекцияләрне ислам университетының иң яхшы укытучылары алып барды.

Имамнарның белемнәрен үстерү курслары дәвам итә. 4 - 14 нче ноябрьдә булачак курсларда Комсомольск районы Урмай мөхтәсибәте имам – мөхтәсибе Фәнис хәзрәт Сафиуллин катнаша.